‼️‼️‼️ Эцэг эхчүүд хүүхдэдээ #вакцин хийлгэхэд юуг анхаарах вэ❓️

Нийтэлсэн: 2 сарын өмнө Үзсэн: 9

		#ЭрүүлМэндийнЗөвлөгөөМэдээлэл:

		 Эцэг эхчүүд хүүхдэдээ #вакцин хийлгэхэд юуг анхаарах вэ

		#Вакцин_хийлгэхийн_өмнө:

		 Хүүхдээ цаг агаарын байдалд тохируулан хувцаслах

		 Эх, хүүхдийн эрүүл мэндийн ягаан дэвтрээ авч ирэх

		 Халуун бууруулах, өвчин намдаах лаа, эм бэлдмэл урьдчилан хэрэглэхгүй байх

		 Өрхийн эмчдээ үзүүлж, тухайн өдрөө вакцинаа хийлгэх

		 Өмнө нь вакцин хийлгэх үед илэрсэн шинж тэмдгийг эмчдээ заавал хэлэх

		 Хүүхдээ тайван байлгах

		#Вакцин_хийлгэх_үед:

		 Таны хүүхдэд ямар вакцин хийх гэж байгаа тухай тайлбарлахыг анхааралтай сонсоорой.

		 Тарих үед зааврын дагуу хүүхдээ зөвч байрлуулж, хөдөлгөөнгүй бариарай.

		 Тарьсан хэсгийг хуурай хөвөнгөөр зөөлөн дараарай.

		 Вакцин хийлгэсний дараа эмчийн хажууд 30 минут байж хүүхдээ ажиглаарай.

		 Вакцин хийлгэсэн тухай эх, хүүхдийн эрүүл мэндийн ягаан дэвтэр, сэргийлэх тарилгын картад тэмдэглүүлж сайтар хадгалаарай

		#Вакцин_хийлгэсний_дараа:

		Вакцин тарьсан хэсэгт хөндүүрлэх, хавдах, улайх, халуурах, цочромтгой болох, хоолондоо дургүй болох зэрэг шинж тэмдэг илэрвэл:

		● Хөхөөр хооллодог хүүхэд бол хөхүүлэх, бор хоолонд орсон хүүхэд бол цай, хярам, буцалсан ус зэрэг шингэн сайн уулгана.

		● Тарьсан хэсэг газар 10%-ийн натрийн уусмалыг ариун самбайнд шингээж 30 минутын зайтай нэг удаа 10 минутаар жин тавина (2-3 хоног)

		● Дээрх шинж тэмдэг 3-аас дээш хоног үргэлжилбэл эмчид үзүүлээрэй

		#Зөвлөмж:

		● Вакцин тариулсан хүүхдэд түгээмэл тохиолддог хариу урвал илрэх нь хүүхдэд аюулгүй бөгөөд вакцины дараа дархлаа тогтож байгаагийн илрэл юм.

		● Вакцин тариулсан хүүхдэд тарьсан газар хөндүүрлэх, хавдах, улайх, халуурах зэрэг шинж тэмдэг удаан үргэлжилбэл сум, өрхийн эмчдээ үзүүлж зөвлөгөө аваарай.

		● Вакцин, зүү тариурт ямар ч төлбөр төлөхгүй.

		#Анхаар_зүйл:

		 Вакцин тарьсан хэсэгт боолт хийх, эм, тос түрхэх, хөхний сүү, гялгар уут болон бусад элдэв зүйлээр жин тавьж огт болохгүй

		 Вакцин тарьсан хэсэгт хүрч, хөндөж болохгүй

		 Оршин суугаа газраас шилжих тохилдолд хүүхдийнхээ урьдчилан сэргийлэх тарилгын карт, эх хүүхдийн эрүүл мэндийн ягаан дэвтрийг авч, шилжин очих газартаа вакцинаа үргэлжлүүлэн хийлгээрэйгэж танд зөвлөж байна.

Цөөн үгээр

‼️‼️‼️ Эцэг эхчүүд хүүхдэдээ #вакцин хийлгэхэд юуг анхаарах вэ❓️

Сүүлд нэмэгдсэн мэдээ

Харилцах хаяг

Санал, өргөдөл, гомдол